الحياة بقت ممله .. او هيا اصلا ممله مش عارفه .. ايه الحكمة من ان لازم يكون فيه حاجه فى الحياه تخنقك .. شئ او شخص .. و العجيب انك ممكن اوى تكون فى حالك خالص و مش بتأذى حد و مش بتضايق حد و لا بتجر شكل حد .. بس هو كده غتاته و خلاص .. المضايقات تجيلك لحد عقر دارك يا جدع و بدون اى مناسبة ..
بس العجيب فى الموضوع ان برضه السعادة و الفرح بيجولك لحد عقر دارك من غير ما تنتظرهم و لا تعمل حسابهم .. حياه عجيبة و متعبة عامله زى القطر الافعوانى بتاع الملاهى يوم تشيلك و تطلعك فوووق و يوم تهبدك على ملا وشك .. و يوم تقعد تهز فيك و تبقى روحك هتطلع و مش عارف لك سما من ارض.
قدامك حاجة من اتنين يا تاخد على كده و تعرف ان ده العادى و فى الحاله دى هتصاب بشى من تبلد الاحساس يا تتعب و تدوب من كتر الشيل و الحط و تحس انك بجد تعبت بقى و مش حمل بهدله اكتر من كده.
This entry was posted
on مارس 24, 2008 at 3:38 م and is filed under افكار.
You can subscribe via RSS 2.0 feed to this post's comments.
You can comment below, or link to this permanent URL from your own site.
مارس 24, 2008 at 4:43 م
يا إما تستمتع بعرك الحياة .. وتتضربها زى ما بتتضربك لغاية ما تنتصر عليها .. ولما توقعك تزعل شوية وتقوم تضربها تانى وساعتها مش هتفرق معاك تعبها وبهدلتها .. لأنك بتقع وتقوم تانى وكلك حماس للأنتصار عليها .
لو كلها سعادة عالطول هتبقى مملة .. ولو كلها حزن عالطول هتبقى مميتة .. هو جمالها وسرها فى المزيج العجيب دة , وان ايام السعادة مبنية على ايام حزن كتير قبلها
مارس 24, 2008 at 7:33 م
و اخيرا احمد بك فى مدونتى المتواضعة .. ايه النور ده كله .. سعيدة جدا بزيارتك و تعليقك .. صحيح جدا ان السعاده مبنيه على ايام حزن كتير قبلها .. عن تجربه .. بس عارف مع الوقت و كثرة التجارب قدرتك على التحمل بتقل و بتتمنى ان الحياه تمشى مستقره شويه .. او شويتين ثلاثه اربعه ..
اما تحدى الحياه احيانا بيكون صعب اوى او مستحيل تقريبا .. لأن فيه معارك بتكون فيها خاسر حتى لو كسبت و دى غالبا بتكون فى الحياه الشخصية و العائلية ..
أبريل 1, 2008 at 2:27 م
طب تصدقي والله انا كنت قلقان عليكي وعلى اختفاءك العجيب ده
لكن الحمدلله انك عايشه وبتعافري اهو
وربنا يارب يصلحلك الحال ويريح البال
سلامووووووووووووووز
أبريل 1, 2008 at 3:39 م
سوووو
ازيك يا ولدى .. شكرا يا سو على اهتمامك و الله بحس انك اخويا .. ربنا يخليك لاخواتك المدونين
أكتوبر 13, 2008 at 5:40 م
هى الحياة كلها كدة عاملة زى موج البحر موجة تيجى حنينة تاخدك ف حضنها وتطبطب عليك والتانية تقلبك على وشك متعرفش رايك من رجليك
بس من الفرحة تتخلق الدموع ومن وسط الدموع تيجى ابتسامة تنور يوم جاى بكرة من عتمتة عمرك ماكنت تخطى فيه خطوة واحدة
الواحد ميقدرش يقول غير الحمد لله