نفسى احب و الاقى حد يحبنى و يخاف عليه ..
يا سلام طب ما كل الناس نفسها زيك كده ايه الجديد؟
طيب احب ازاى مانا لو سمحت لحد يدخل حياتى و يقولى كلمتين حلوين من قبيل ايه القمر ده و وحشتينى الخ الخ حتى لو من قلبه يبقى ربنا مش هيبارك لأنى كده بفتح باب للشيطان ..
حد قالك تفتحى خليكى قافله .. ابقى افتحى بعد الجواز ..
ايوه الله ينور عليك بعد الجواز .. طب و انا ايه ضمنى انى هحب جوزى بعد ما اتجوزه مش يمكن ماحبوش ؟
يابنتى ما توجعيش دماغى انتى عايزة ايه؟ ..
مش عايزة حاجة انا مبسوطه كد و انا قافله بس اهو بفكر بصوت عالى ..
ما تشيليش هم .. ربنا سبحانه و تعالى هو المدبر لكل شئ .. عيشى بس يومك صح و سيبى بكره على الى خلقه .. انا عارف انك انسانه و ليكى مشاعر زى كل الناس و احيانا المشاعر هى الى بتتكلم .. بس دايما دايما خليكى فاكره ربنا و احمديه على كل شئ ..
الحمد لله و الشكر لله .
This entry was posted
on مارس 30, 2008 at 1:06 ص and is filed under مشاعر.
You can subscribe via RSS 2.0 feed to this post's comments.
You can comment below, or link to this permanent URL from your own site.
مارس 30, 2008 at 3:00 م
السؤال الازلي..نفتح الباب ولا نقفله!؟
انا بقول نواربه..اهو يدخل شوية هوا وفي نفس الوقت مش هيبقى مفتوح بالصورة اللي تدخل حد منه
مارس 30, 2008 at 4:01 م
شربات يا مارفل .. تصدق ضحكت من قلبى .. هو فعلا سؤال ازلى بس نواربه دى هى الى بتودى فى داهيه .. و الست ام كلثوم زمان قالتلك “هو صحيح الهوا غلاب؟ ماعرفش انا” يعنى ماتضمنش تفتح الباب شوية يقوم الهوا يزقك ولا تقوم عاصفه .. ماحدش ضامن حاجه اليومين دول
شكرا لمرورك و مشاركتك
مارس 30, 2008 at 5:02 م
تصدقى بالله
ان برضه كده
بس انا ولد مش بنت وبرضه بفكر كده
بس سيبها على ربنال
ومحدش عارف نصيبه فين
من ترك شيئا لله ابدله الله خيرا منها
مدونتك جميله بجد
وسلاااااااااااااام
مارس 30, 2008 at 11:03 م
اهلا و سهلا فنان نورت المدونه ..
“من ترك شيئا لله ابدله الله خيرا منها” فعلا ده اجمل كلام و صح اوى اوى صدقنى ..
اشكرك على مرورك و مشاركتك
أبريل 1, 2008 at 1:27 ص
بجد … روعة
بسيطة بس معنى كبير وجميل
تسلمي
أبريل 1, 2008 at 5:49 ص
أيوة كده برافو عليكي
اسمعي كلام قرينك
لأن واضح انه قرين صالح ومش هيضيعك
أبريل 1, 2008 at 3:31 م
النجمة الصاعدة
اهلا و سهل بيكى نورتى المدونة .. انتى الى روعه .. اشكرك على ذوقك و مشاركتك.
آلام و آمال
اهلا و سهلا بيك نورتنى و اشكرك على تشجيعك .. احنا فعلا بنحتاج نتقوى و نتشجع ببعض .. شكرا لمرورك و مشركتك.