شيله و حطه

Posted: مارس 24, 2008 in افكار

الحياة بقت ممله .. او هيا اصلا ممله مش عارفه .. ايه الحكمة من ان لازم يكون فيه حاجه فى الحياه تخنقك .. شئ او شخص .. و العجيب انك ممكن اوى تكون فى حالك خالص و مش بتأذى حد و مش بتضايق حد و لا بتجر شكل حد .. بس هو كده غتاته و خلاص .. المضايقات تجيلك لحد عقر دارك يا جدع و بدون اى مناسبة ..

بس العجيب فى الموضوع ان برضه السعادة و الفرح بيجولك لحد عقر دارك من غير ما تنتظرهم و لا تعمل حسابهم .. حياه عجيبة و متعبة عامله زى القطر الافعوانى بتاع الملاهى يوم تشيلك و تطلعك فوووق و يوم تهبدك على ملا وشك .. و يوم تقعد تهز فيك و تبقى روحك هتطلع و مش عارف لك سما من ارض.

قدامك حاجة من اتنين يا تاخد على كده و تعرف ان ده العادى و فى الحاله دى هتصاب بشى من تبلد الاحساس يا تتعب و تدوب من كتر الشيل و الحط و تحس انك بجد تعبت بقى و مش حمل بهدله اكتر من كده.

Advertisements
تعليقات
  1. أحمد كتب:

    يا إما تستمتع بعرك الحياة .. وتتضربها زى ما بتتضربك لغاية ما تنتصر عليها .. ولما توقعك تزعل شوية وتقوم تضربها تانى وساعتها مش هتفرق معاك تعبها وبهدلتها .. لأنك بتقع وتقوم تانى وكلك حماس للأنتصار عليها .

    لو كلها سعادة عالطول هتبقى مملة .. ولو كلها حزن عالطول هتبقى مميتة .. هو جمالها وسرها فى المزيج العجيب دة , وان ايام السعادة مبنية على ايام حزن كتير قبلها

  2. koko كتب:

    و اخيرا احمد بك فى مدونتى المتواضعة .. ايه النور ده كله .. سعيدة جدا بزيارتك و تعليقك .. صحيح جدا ان السعاده مبنيه على ايام حزن كتير قبلها .. عن تجربه .. بس عارف مع الوقت و كثرة التجارب قدرتك على التحمل بتقل و بتتمنى ان الحياه تمشى مستقره شويه .. او شويتين ثلاثه اربعه ..

    اما تحدى الحياه احيانا بيكون صعب اوى او مستحيل تقريبا .. لأن فيه معارك بتكون فيها خاسر حتى لو كسبت و دى غالبا بتكون فى الحياه الشخصية و العائلية ..

  3. Soooo كتب:

    طب تصدقي والله انا كنت قلقان عليكي وعلى اختفاءك العجيب ده
    لكن الحمدلله انك عايشه وبتعافري اهو
    وربنا يارب يصلحلك الحال ويريح البال

    سلامووووووووووووووز

  4. koko كتب:

    سوووو

    ازيك يا ولدى .. شكرا يا سو على اهتمامك و الله بحس انك اخويا .. ربنا يخليك لاخواتك المدونين

  5. emy كتب:

    هى الحياة كلها كدة عاملة زى موج البحر موجة تيجى حنينة تاخدك ف حضنها وتطبطب عليك والتانية تقلبك على وشك متعرفش رايك من رجليك
    بس من الفرحة تتخلق الدموع ومن وسط الدموع تيجى ابتسامة تنور يوم جاى بكرة من عتمتة عمرك ماكنت تخطى فيه خطوة واحدة

    الواحد ميقدرش يقول غير الحمد لله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s