انا و انا

Posted: مارس 30, 2008 in مشاعر

نفسى احب و الاقى حد يحبنى و يخاف عليه ..

يا سلام طب ما كل الناس نفسها زيك كده ايه الجديد؟

طيب احب ازاى مانا لو سمحت لحد يدخل حياتى و يقولى كلمتين حلوين من قبيل ايه القمر ده و وحشتينى الخ الخ حتى لو من قلبه يبقى ربنا مش هيبارك لأنى كده بفتح باب للشيطان ..

حد قالك تفتحى خليكى قافله .. ابقى افتحى بعد الجواز ..

ايوه الله ينور عليك بعد الجواز .. طب و انا ايه ضمنى انى هحب جوزى بعد ما اتجوزه مش يمكن ماحبوش ؟

يابنتى ما توجعيش دماغى انتى عايزة ايه؟ ..

مش عايزة حاجة انا مبسوطه كد و انا قافله بس اهو بفكر بصوت عالى ..

ما تشيليش هم .. ربنا سبحانه و تعالى هو المدبر لكل شئ .. عيشى بس يومك صح و سيبى بكره على الى خلقه .. انا عارف انك انسانه و ليكى مشاعر زى كل الناس و احيانا المشاعر هى الى بتتكلم .. بس دايما دايما خليكى فاكره ربنا و احمديه على كل شئ ..

الحمد لله و الشكر لله .

Advertisements
تعليقات
  1. Marvel كتب:

    السؤال الازلي..نفتح الباب ولا نقفله!؟

    انا بقول نواربه..اهو يدخل شوية هوا وفي نفس الوقت مش هيبقى مفتوح بالصورة اللي تدخل حد منه

  2. koko كتب:

    شربات يا مارفل .. تصدق ضحكت من قلبى .. هو فعلا سؤال ازلى بس نواربه دى هى الى بتودى فى داهيه .. و الست ام كلثوم زمان قالتلك “هو صحيح الهوا غلاب؟ ماعرفش انا” يعنى ماتضمنش تفتح الباب شوية يقوم الهوا يزقك ولا تقوم عاصفه .. ماحدش ضامن حاجه اليومين دول 🙂

    شكرا لمرورك و مشاركتك

  3. fnan geology كتب:

    تصدقى بالله

    ان برضه كده

    بس انا ولد مش بنت وبرضه بفكر كده

    بس سيبها على ربنال

    ومحدش عارف نصيبه فين

    من ترك شيئا لله ابدله الله خيرا منها

    مدونتك جميله بجد
    وسلاااااااااااااام

  4. koko كتب:

    اهلا و سهلا فنان نورت المدونه ..

    “من ترك شيئا لله ابدله الله خيرا منها” فعلا ده اجمل كلام و صح اوى اوى صدقنى ..

    اشكرك على مرورك و مشاركتك

  5. بجد … روعة

    بسيطة بس معنى كبير وجميل

    تسلمي

  6. أيوة كده برافو عليكي
    اسمعي كلام قرينك
    لأن واضح انه قرين صالح ومش هيضيعك
    🙂

  7. koko كتب:

    النجمة الصاعدة

    اهلا و سهل بيكى نورتى المدونة .. انتى الى روعه .. اشكرك على ذوقك و مشاركتك.

    آلام و آمال

    اهلا و سهلا بيك نورتنى و اشكرك على تشجيعك .. احنا فعلا بنحتاج نتقوى و نتشجع ببعض .. شكرا لمرورك و مشركتك.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s