يا عنتر

Posted: أكتوبر 25, 2009 in تأملات

الراجل زمان لما كان يحس بهرموناته المفتريه بتنقح عليه يروح متجوز على طول .. علشان يتهد و يبطل يبص .. و لو لسه فيه الرمأ و بيبص برضه يروح يتجوز تانى و تالت و ممكن رابع .. بس تقريبا ده آخر اى راجل .. ماهو ربنا الى خلقه و عارف الكتالوج بتاعه ..

من فترة قصيرة جدا لا تتعدى اليومين بدأت اؤمن ان التعدد لبعض الرجال ستر .. ستر للراجل و للزوجه الاولى و ايضا الزوجات الاخريات .. طب ايه الى غير رأيى ؟؟

راجل المفروض انه محترم .. و هو “مش” .. متجوز ست حلوه و عنده بنت زى القمر عمرها 3 سنوات .. و الراجل ده ماديا ميسور جدا و متعلم و آخر حلاوه مافيش بعد كده .. لأ للأسف فيه ..

أخينا ده راجل “حايح” سورى فى اللفظ الى انا اتعلمته من عمرو اديب ..كل ما يشوف واحده يريل عليها .. هرموناته واجعاه اوى و اشياء اخرى .. مقطع نفسه على النت شات و سايتات دايتنج .. بيشقط منها نسوان سكه او بنات بتدور على ابن الحلال .. بيتكلم فى التليفون كلام مش هو مع البنات الى مش هى .. الخ الخ

يا عينى على مراته و بنته .. يا راجل اتقى الله فى بنتك ترضى حد يعمل فيها كده .. و كذااااااااااب كذب عجب .. طبعا بيقول انه مش متجوز و بيخلع الدبله و يشغل اسطوانه الحب و الاحاسيس مع الى عايزه .. طب ما تشغلها مع مراتك و تظبطوا فى الحلال .. لازم يعنى الوساخه ..

المهم اخينا ده لما يحط البنت من دول فى دماغه يفضل وراها يقولها اى حاجه فى الدنيا ممكن تتقال و كله كذب و يطاردها بالاسابيع و مش بييأس ابدا .. كل ده علشان ايه ؟ .. علشان يعمل معاها علاقة او نص علاقة ماهو ماينفعش للآخر مع كله.

لأ و المصيبه الكبرى ايه؟ .. انه بيستنفذ طاقاته .. و ينطبق عليه الاغنية العظيمة .. براه البيت عاملى عنتر .. و بيتمشى و بيتمختر .. و عشيه لما بيجى عالبيت .. بيقولى داخلك جسمى مكسر .. يعنى الست الحلوه الدافيه الحلال مابتاخدش حاجه .. يا ضنايا ياختى.

طب عايز تقول كلام سيكو سيكو .. قوله للمدام .. عايز تفرغ طاقاتك الجباره .. الله امال المدام لازمتها ايه؟ .. و فى الحلال .. يا سلام على دفئ الحلال و جماله .. انما نقول ايه ..

يا ترى ده ليه؟؟  فراغه عين .. مرض نفسى .. طاقات متفجره .. طب ما تتجوز تانى احسن و بلاش قله ادب .. على الاقل مش هتفقد احترام مراتك .. يا عنتر “بس براه البيت”

Advertisements
تعليقات
  1. شدتنى اعماقك وبقيت اتابعها … فعلا عندك حق انا دايما فى الموضوع ده بالذات استشهد بحكم الزنا فى الاسلام وان ربنا فرق ما بين المتزوج وغير المتزوج … واتشدد اكتر مع المحصن ” المتزوج ” وحتى الآية الكريمة بتقول اتستبدلون الذى هو ادنى بالذى هو خير

    فعلا حرام وطريق وحش وآخرته منيلة بستين نيلة … وللأسف البيوت بتتخرب بسبب هذا الزوج الطائش اللى معندوش دم

    • koko كتب:

      انسانة ..

      تصدقى فعلا عقوبه الزنا للمحصن تعتبر اقوى عقوبه فى العالم رميا بالطوب و الجزم القديمه حتى الموت .. اكيد من هول ما يفعل ..

      شكرا لزيارتك مدونتى .. انا ايضا اتابع مدونتك و احبها .. ابقى تعالى 🙂

  2. حاول تفتكرني كتب:

    الطرفان غير مأسوف عليهم
    فكل انسان يتصرف وفق مجموعة من المبادي التي اقتنع بها، والتي يحافظ عليها مهما كانت المغريات من حوله ، فالرجولة ليست فحولة ، انما تقدثير للذات وللاخرين معا ، والتصرف بالشكل اللائق المنبثق من اعتداده بنفسه هذا الاعتداد المستمد من قيمه الدينية فى المقام الأول وتربيته فى المرحلة التالية

    مقالك جميل
    يعيبه استخدام لغة ومفردات تذدخر اللغة العربية بمرادفات لها تحمل نفس المعني دون اللفظ

    تحياتي

    • koko كتب:

      حاول تفتكرنى
      مين الطرفان الغير مأسوف عليهم؟

      نت بتتكلم صح طبعا بس ده واقع للأسف .. و اعتقد دى طبيعه الحياه و النفس البشريه المليئه بالمتناقضات.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s